Waar die koue Kaapse water teen die blou berge bots; tussen die spierwit duine onder in die vallei, waar die vleilande se voëls baljaar en die dolfyne en walvisse ons op pad skool toe groet.

​

Hier, in die hartjie van Vishoek, staan ‘n klein skooltjie wat vashou aan ‘n droom. ‘n Droom om met trots en respek in ‘n veranderende omgewing te onderrig. Om Afrikaans as moedertaal in ‘n oorheersend Engelse gemeenskap te koester. Om kinders toe te rus vir die onvoorspelbare toekoms.

​

Laerskool Paul Greyling is nie net ‘n skool nie, ons is ‘n gemeenskap. ‘n Gemeenskap wat glo in ‘n beter Vishoek, ‘n beter Wes-Kaap, ‘n beter Suid-Afrika.

​

Paul Greyling, hier om te dien - te dien in geloof.